النداهة

" السمع أكثر شىء يؤثر فى البنى آدمين أكتر من الرؤية وعن طريق السمع ممكن تزرع فى عقل أى حد فكرتك ..وهو بخياله هيصنع بها أساطير .. الخوف والوهم لما يتملك بنى آدم تقدر تلعب بيه زى ما أنت عايز... كلما زاد الجهل زاد السيطرة على عقول البشر فى قرية المغاربة قرية فقيرة تربى فى عقول اهلها وجود خرافة النداهة لسبب ما و يتملك الأهالى الخوف من دخول الغرباء للقرية حيث فى اعتقادهم أنها تظهر للغرباء هل وجودها حقيقة ام من صنع البشر ، هل سيستطيع الدكتور وهدان من كشف هذا الغموض وإظهار الحقيقة ؟؟ رأيى فى الرواية : عادة لما ببتدى رواية بشوف ريفيوهات عنها الأول وحتى لو كانت ريفيوهات سلبية برضه بقرر اقرا الرواية لانى بشوف ان الروايات اذواق زيها زى الاكل واللبس مش شرط اللى يعجبك لازم يعجب غيرك فى الحقيقة انا استمتعت بالرواية يمكن علشان انا بحب الروايات اللى فيها احداث سريعة ومشوقة مش روتينية وسرد بطىء ووصف كتير ... الرواية سريعة الأحداث ، فيها فكرة لطيفة وغير كدة مشوقة عيبها الوحيد ان طريقة الحوار مش مناسب مع الفترة الزمنية المذكورة فى الرواية يعنى حسيت الابطال مودرن فى كلامهم على الفترة اللى المفروض عايشنها.