الحواة " حكايات الحريفة " سلسلة دفاتر كورة الجزء 1

الحواة " حكايات الحريفة " سلسلة دفاتر كورة الجزء 1 بقلم Moamen Al-Mohammadi ... هنا هـ تلاقي 24 حكاية لـ 24 لاعب. إيه اللي يجمع بينهم؟ حاجتين: الأولى، إنهم لاعيبة مصريين حريفة، والتانية إني بحبهم، سواء من اللي شفتهم فت حبيت لعبهم، أو قريت عنهم فـ حبيت سيرتهم، وشفتها مؤثرة. دول مش الأهم ولا الأفضل ولا الأكتر في أي حاجة، إنما دول اللي أتصور إني أعرف عنهم حاجات جديدة، وإنه أغلبهم مش أسماء منتشرة في تاريخ الكورة، مش هـ تلاقي هنا لا الخطيب ولا حسن شحاتة ولا أبو تريكة ولا حازم إمام ولا كل الناس دي، اللي اتكتب فيهم وعنهم آلاف المرات.كمان، كنت حريص هنا على التنويع، لاعيبة من أندية مختلفة: أهلي زمالك إسماعيلي أوليمبي قناة سكة حديد، إلخ إلخ، ومن أزمان مختلفة، اللي من العشرينات والتلاتينات لـ حد اللي لسه بـ يلعب لـ حد دلوقتي؟