لماذا نقع في الحب ؟

لماذا نقع في الحب ؟

أنشر معنا
 - 
28-06-2020
 - 
8,795 - 

                                                                              ? Why do we love 

الحب جميل ومسكر ، محزن ومحطم للروح .. بس ياتري ليه احنا بنحب ؟ ليه العاطفة دي بتيجي ؟ هل الحب بيعطي لحياتنا معني ؟ هل احنا محتاجين الحب اصلا ؟ لا العلم ولا علم النفس اكتشف اجابة للسؤال ده بس علي مدار التاريخ الفلاسفة طرحوا نظريات لتفسير الموضوع ده ..
"Love makes us whole, again"
-Plato
افلاطون حكي عن ارسطوفانيس اللي كان بيحكي "ان البشر اول ماتخلقوا كان ليهم راسين و4 ايدين و4 رجلين بس هما اغضبوا زيوس فارسل عليهم الصواعق بتاعته اللي قسمتهم نصين ومن ساعتها كل واحد بيدور ع توأم روحه" فوجهة نظر افلاطون ان الحب هو الشوق لايجاد النص التاني اللي هيخلينا نشعر بالاكتمال تاني.
"Love tricks us into having babies"
-Schopenhauer 
شوبنهاور بيقول اننا بنحب عشان مقتنعين ان فيه شخص تاني هيخلينا سعداء بس احنا مخطئين ف الموضوع ده لان الحب ده خدعة من الطبيعة عشان ننجب ونحافظ ع النوع من الانقراض.
"Love is escape from our loneliness"
-Russell
راسل بيقول ان الحب هو وسيلة لتحقيق رغباتنا النفسية والجسدية.
خوفنا من العالم البارد والقاسي اللي حوالينا بيدفعنا لبناء قشرة صلبة لحمايتنا. بهجة الحب هي اللي بتساعدنا ع التغلب من خوفنا من العالم ونهرب من عزلتنا وبيثري كياننا واللي بيخليه افضل شيء في الوجود 
"Love is a misleading affliction"
-Buddha 
بوذا بيقول ان الحب هو فتنة مضللة ومصدر كبير للمعاناة لانه يعد من نقائص النفس البشرية وانه اكتشف طريقة لاخماد الشهوات وانه يوصل لمرحلة النرفانا او التنوير .
"Love lets us reach beyond ourselves"
-Beauvoir
سيمون دي بوفوار بتقول ان الحب هو الرغبة في الاندماج مع شخص آخر وان ده بيخلي لحياتنا معني . سيمون بتقترح عشان نحب بشكل افضل انه بدل مايكون الشخص محور حياتنا وانه يكون السبب الوحيد لوجودنا بس ده بيأدي للملل .. وبتقترح ان الحب يكون واقعي وانه يكون بمثابة صداقة قوية وان المتحابين يساعدوا بعض ف اكتشاف نفسهم ويدعموا بعض ويتخطوا نفسهم ويحاولوا يحسنوا نفسهم والعالم
 
بالرغم اننا مش عارفين سبب احنا ليه بنقع ف الحب بس الامر الاكيد انه تقلب عاطفي زي الملاهي هيخلينا نفرح ويخلينا نحزن ..مخيف ومبهج .. يجعلنا نعاني ويخلينا فوق السحاب .. ممكن نفقد نفسنا او نلاقيها .. ممكن يحطم قلبنا وممكن يبقي افضل شيء حصلنا .. فهل تجرؤ علي خوض التجربة ؟
#TED_ED
قم بتسجيل الدخول لتتمكن من إضافة تعليقك
Hagar Isaac
الحب ما هو إلا فطرة فى الإنسان 🖤 خلق عليها، وما أجملها فطرة فمن دونها لن يكون هناك فارق للانسان من العيش داخل المدينة او الغابة. شكرا على المقال👍
ءالآء ءالآء
علشان مبنعرفش نتحكم في قلبنا
Reda Es'haq
برأيي كل شخص يقع ف الحب عندما يجد ما يفتقده ف حياته فكلا منا يفتقد لشئ سواء الحنان او الأمان او الأهتمام وعندما يجده ف الشخص الاخر ينجذب إليه
إبراهيم الصديقي
ما أحسن الحب من شعور إذا قيدته حدود تخفي نيران العوججة وتصالح الذات مع غيرك
stay
أؤيد شوبنهاور .
ندى عادل
الحب هو الشر للي لابد منه..
مشاعل
في الكلام الي قاله افلاطون عن ارسطوفانيس كان شيء بتشبيه العقلي او النفسي الي بقوله او الي انا أقوله بالصراحة بمخي عن الحب او تفسيره بالنسبة لي كان الأقرب لي هذا التفسير الغير واقعي الحب شيء جميل اذا جاء بوقته و يكون صادق ما يكون تلاعب و حب الطفولة هذا بالنسبة لي كذبه كبيره نوعا ما لان ماي شيء اسمه حب طفوله او انك تحب في سن المراهقة احس شيء غلط و ذا رأي بالأول و الأخير